春風三月 (Closed)

春風三月依間珍珠奶奶舖，依元朗開左一排已經風靡一時！！最出名既就係自家製珍珠，款式夠多，味道亦都好新穎！好似有桂花珍珠、玫瑰珍珠、百香果珍珠仲有火龍果珍珠等等⋯最最最緊要既係佢地標榜所以茶包都係台灣直送啊～直情對得住台式飲品店既稱號！今次試左兩杯飲品，分別係黑糖珍珠鮮奶同埋黃金果茶。先講黑糖珍珠鮮奶，外貌協會既我覺得杯野簡直有100分哈哈。鮮奶奶味偏淡，但混合左底層既黑糖之後個味道就變得十分之夾！！珍珠咬落有咬口，黑糖味都好夠，果然係自家製有保證！黃金果茶都好特別，主要成分有蘋果同苦橙皮！第一次聽沖茶會苦橙皮哈哈！味道方面都好夾，夠茶香，夾埋蘋果同橙皮有甜中帶甘既感覺！最岩食完飯飲，好消滯！下次一定要再試埋其他！