麥當勞

Open Now

Now Closed

最近喺香港嗰啲台式珍珠奶茶店好似雨後春筍咁又周圍開，但係我對飲奶茶又唔係好感興趣，雖然我鍾意牛奶嘅味，但係我又唔係好鍾意飲茶。今日喺麥當勞就買咗一杯士多啤梨奶昔，我覺得比珍珠奶茶好飲好多，因為呢杯士多啤梨奶昔奶味超濃，士多啤梨又香，兩種味夾埋非常之正，濃沃嘅牛奶同埋士多啤梨味加上又冰冰涼涼，簡直係夏天消暑嘅最佳選擇，正！ 而且而家一杯珍珠奶茶動不動都28蚊或者以上，一杯士多啤梨奶昔先至11蚊，我覺得係非常之抵飲嘅。