興華茶餐廳 (Closed)

同朋友兩個行完山，特登搭車去柴灣食呢間黃店茶餐廳，餐廳位置有少少難搵，因為係喺個屋村入邊，餐廳門口見到有好多告示板，係一啲領養動物嘅資訊，好有愛心嘅餐廳估唔到門口會擺一啲待領養動物嘅資訊俾人睇。行完山好肚餓，見到生炸雞髀四個字就即刻好想食，我同朋友兩個人叫咗兩碟蔥油生炸雞髀飯加紅豆冰，因為我哋兩個女仔食唔到好多飯，所以叫哥哥仔比少啲飯我地，個蔥油加埋啲飯真係無敵，好好食，同埋這生炸雞髀入邊仲好嫩好Juicy。唯一可惜嘅係紅豆冰啲紅豆煲得唔夠林，如果啲紅豆再煲耐啲再煲爛啲就完美！