Bellyflop

Open Now

Now Closed

忙碌工作中一早上，又到lunch搵食時間，今日比較想食意粉，係紅磡食lunch食意粉都好多選擇，今次搵到一間唔係好起眼的小店cafe，之前未食過，打算試一試。呢度意粉可以揀固定配搭或者自由配搭係呢度比較特別嘅地方，今日見到其中一款有我想食既煙三文魚意粉，所以無玩自由組合。檸檬橄欖油煙三文魚意粉賣相方面，煙三文魚卷成玫瑰形都幾有心思，意粉加左檸檬汁同香草仲有少少橄欖香味，有少少酸味，好開胃，好清爽，一啲都唔膩，煙三文魚份量適中，同意粉味道幾夾，份量方面，呢度寫名可以加10%pasta free，我加左覺得岩岩夠飽。凍咖啡 意粉加十蚊可以有冷/熱餐飲，呢度凍咖啡係無加奶同糖，唔加糖奶試左一啖，咖啡味都ok，之後加左奶少糖之後，咖啡味變左淡得滯。