翠華餐廳 (Closed)

啲人成日話翠華唔好食，但係我就覺得有時都幾唔錯 上次去上完堂，附近冇乜選擇，就去咗翠華餐廳填肚！依家翠華餐廳環境唔錯～ 因為自己一個去，所以求其搵咗個位坐🤣我叫咗沙嗲肥牛河～ 本身冇乜期望，而且Menu雖然有好多選擇，但係都唔啱胃口，又唔想食飯或者常餐快餐，所以就食河，叫埋凍檸檬茶～ 一時忘記咗奶茶係翠華招牌，所以冇叫到🙈大概10分整好咗，味道幾唔錯，可能有冇乜期望，佢嘅沙嗲味超級濃，但係唔辣，又唔會太湯，溝到好淡～ 不過肥牛就細咗少少，但係細細件易啲入口～ 河粉一般般，但係整體感覺好好味，值得一試👍🏻