風車

Open Now

Now Closed

今日終於行到去大圍食呢一間好好食嘅西餐，其實一直都好想食㗎，因為好多朋友都話呢一間西餐好好食，今日終於的起心肝去食啦。因為今日好早就去到，大概係六點左右嘅時間，所以人客就比較少，不需要等位，而且個氣氛都好寧靜同埋好舒服。裝修係好西式嘅餐廳風格，有好多酒架同埋display，可以約埋一班朋友仔嚟飲酒傾偈。今次就叫咗呢一個重量級肉眼扒，佢真係有14安士㗎，而家做緊特價都係買$328 ，兩個人食呢都好大份，而且呢啲肉質都好好，薯菜同埋沙律都好好食。個牛扒嘅肉質好Juice，要五成熟都真係上來嘅時候就五成熟，油脂分布比例好高，唔會太肥亦都唔會太瘦，都幾推薦大家叫呢一個食。前菜就叫咗一個意式田園沙律配煙燻鴨胸，個沙律份量好大，啲煙鴨胸好好食好新鮮，作為一個前菜來講，配埋嗰啲醋都真係幾開胃。然後就叫咗個白酒煮蜆配蒜蓉包，啲蜆肉好新鮮，都洗得好乾淨，完全沒有沙，白酒配蜆真係好夾，最期待嘅竟然係個蒜蓉包，因為真係好香脆，蒜蓉包嘅味道都好好味，呢個都係好推介大家去食。整體來講呢間西餐真係唔錯，性價比都幾高，大家有時間都嚟食。