Video
Read full review
2008-11-30
1 views
最近既下班時間，都坐係圖書館溫書，都坐左好幾日了，坐到每一晚走既時候，都唔知食咩好。 今晚右耳過黎搵我食 dinner，溫完書好累好累既我，實在諗唔去到邊度食好，我既味蕾，好似同我既肢體一樣，得返個驅殼，好似咩都提唔起我既食慾咁。突然記起，之前經過呢間舖頭，見到好多日本人去食，我諗應該幾好味 or 幾日本風味喇，所以點都過黎試一試先。要知道小妹其實好憎等位既，去到門口見到咁多人排隊，又無得拎飛，真係有少少燥底。好彩 ~ 都唔係等左好耐，大概半個鐘左右就有位。睇個 menu，成 50 幾、60 蚊一碗，都唔平喎﹗(心諗係咪真係咁好食先？) 我叫左個北海道粟米牛油拉麵，配以醬油魚湯底 (醬油湯底有肉湯 & 魚湯揀，不過唔知分別係邊)，聽講拉麵加牛油會好食 D、滑 D，唔知呢﹗碗麵黎到，見到個湯底咁清，不禁要影下相先。食之前，第一件事，呷一啖湯底。 嘩﹗真係好正呀﹗真係同大眾化既味精拉麵好唔同呀，再食下佢既拉麵先，嘩﹗嘩﹗嘩﹗好好味，好彈呀﹗我真係未食過咁既拉麵嫁﹗(好大鄉里 FEEL ~ ) 右耳果個係麵豉湯底既叉燒拉麵，問右耳偷左啖湯黎飲下，都好好味呀﹗仲有叫左個聽聞幾好食既炸
今晚右耳過黎搵我食 dinner，溫完書好累好累既我，實在諗唔去到邊度食好，我既味蕾，好似同我既肢體一樣，得返個驅殼，好似咩都提唔起我既食慾咁。突然記起，之前經過呢間舖頭，見到好多日本人去食，我諗應該幾好味 or 幾日本風味喇，所以點都過黎試一試先。
要知道小妹其實好憎等位既，去到門口見到咁多人排隊，又無得拎飛，真係有少少燥底。好彩 ~ 都唔係等左好耐，大概半個鐘左右就有位。睇個 menu，成 50 幾、60 蚊一碗，都唔平喎﹗(心諗係咪真係咁好食先？)
我叫左個北海道粟米牛油拉麵，配以醬油魚湯底 (醬油湯底有肉湯 & 魚湯揀，不過唔知分別係邊)，聽講拉麵加牛油會好食 D、滑 D，唔知呢﹗碗麵黎到，見到個湯底咁清，不禁要影下相先。食之前，第一件事，呷一啖湯底。 嘩﹗真係好正呀﹗真係同大眾化既味精拉麵好唔同呀，再食下佢既拉麵先，嘩﹗嘩﹗嘩﹗好好味，好彈呀﹗我真係未食過咁既拉麵嫁﹗(好大鄉里 FEEL ~ ) 右耳果個係麵豉湯底既叉燒拉麵，問右耳偷左啖湯黎飲下，都好好味呀﹗
仲有叫左個聽聞幾好食既炸薯餅，不過由於好心急想試味既關係，食之前唔記得影相，惟有好核突咁，食左幾啖，放返落去影過。一碟兩個薯餅有 2 款醬汁係上面，分別係茄汁 & 日式醬油，我覺得醬油味好食 D，OR 點佢伴碟果隻沙律醬都正﹗
係人都知，小妹一向係唔食青豆 & 蔥的，不過呢度個湯實在太好味喇，唔知加左 D 咩，還是係佢地既蔥唔同品種呢？成碟湯麵裡，我真係一粒蔥都唔放過。仲有炸薯餅內既青豆，平時我一定挑返出黎嫁﹗不過真係唔知點解，呢個薯餅食落去，係完全感覺唔到平時青豆果種怪味，淨係 FEEL 到內裡既薯蓉好正呀﹗
或者一個人累既時候，咩都覺得份外好食，不過我真係覺得呢間拉麵館，好值得我推介俾其他朋友呢。
Post
