四川重口味

Open Now

Now Closed

筲箕灣呢間四川重口味新裝修, 樓高兩層, 店面空間好大, 坐得好舒適。而且川菜款式多, 又有雞煲小菜, 適合一班人聚會。招牌酸菜魚 $168可選脆鯛魚或桂花魚, 我地選左脆鯛魚, 肉質脆口, 湯有香麻味又濃郁。配菜有好多酸菜、娃娃菜同薯粉。大盤鹹肉菜花 $72份量很多, 孜然粉味道非常香, 當然食落都係啖啖孜然粉味。鹹肉爆炒得好香口, 鹹香味很出再配上孜然粉味道, 送飯一流。黃金皮蛋 $40一直都較喜歡食黃金皮蛋多過普通皮蛋, 少了阿摩尼亞既味道。重慶酸辣粉 $29原本以為酸菜魚冇配薯粉, 所以就叫左酸辣粉, 不過唔緊要, 叫多左都食得晒, 酸辣粉吸晒湯汁, 好好食, 而且又唔會好辣。紅糖糍粑/6條 $48糍粑外層脆卜卜, 內層煙韌, 配上紅糖, 甜度剛好。