蕃滿門

Open Now

Now Closed

本人非常鍾意食蕃茄同蛋，大約年幾前一個朋友介紹我試呢間「蕃滿門」後就對佢念念不忘。呢間餐廳主打蕃茄湯粉同飯，無咩野係同蕃茄無關。如果唔鍾意食蕃茄既你，入到黎真係無咩野食可以揀。因為已經黎第3次啦，所以真係唔洗點睇餐牌都知有咩食，同之前一樣，都係叫蕃茄湯螺絲粉，不過今次叫既配料唔同，叫左雜菌，至於湯底，就叫左小辣。好快熱辣辣既蕃茄湯螺絲粉就到啦，賣相好靚，湯底呈紅色，睇得出落左唔少茄膏，湯裡面有嫩滑既炒蛋，食落好Creamy，雜菌既份量都唔少，湯底辣度適中，不過如果俾我揀我都係會揀返原味，因為咁樣先至食到蕃茄真正既鮮味，而唔會俾辣味蓋過。螺絲粉方面份量對於一個女仔黎講算過多，細食既女仕們可以考慮叫少粉。