麵麵 (Closed)

落兩天，涼涼地，一個人食飯，吾知食咩好。行過見到間野叫做麵麵，心諗咁名咁攪笑，天氣涼涼地，食啲熱辣辣既麵應該吾錯，咁我就坐電梯上去食晚飯。其實我無預過今餐質素可以咁好，我一出電梯，有人招待我坐底，攞餐牌比我睇。我覺得餐廳好大，坐得好舒服，燈光算柔和👍🏻👍🏻裝修重好靚😂我睇一睇佢地menu 先知道原來佢地主打係食魚肉麵，同埋花膠魚湯🤤🤤佢地啲魚湯真係好香濃，好有魚鮮味，但又吾會腥，非常好味。我叫了一個叫麵麵圍城既魚肉麵餐，因為配左九個餸，重有埋魚湯同魚麵，一次過可以食好款食物😂😂下單時，店員已問我魚麵要粗定幼，我問佢有咩分別，佢打開餐牌其中一頁比我睇，原來粗麵同幼麵所含有既魚肉成份吾同，所以口感同魚味濃度都吾同，而我選舉了粗麵😂餐廳重有好多飲品，我選擇了花茶，可能天氣涼的關係，我點左既花茶係桂花啤梨肉花茶。佢地首先上花茶比我先，好靚，又香桂花味，重有蠟燭幫助保溫，飲到最後一淡都重係金暖既👍🏻👍🏻 花茶入口即刻感覺到桂花既清香，飲落會有微微啤梨既甜味，非常好飲。主角上菜啦，賣相無得輸，好靚👍🏻👍🏻首先我飲左啖魚湯，花膠同魚既香味真係好濃。而且配既餸都好好味。明太子雞翼同醉蝦最好食。而魚肉麵