李圓圓 (億利工業中心)

Open Now

Now Closed

係少女都係鐘意飲台式飲品架啦，好明顯我仲係少女啦。李圓圓台式飲品係以黑糖珍珠鮮奶起家，呢度黑糖珍珠鮮奶真係好好味。食材例如黑糖、珍珠、冬瓜磚等都係台灣直送。呢度啲珍珠會熬製兩個鐘，粒粒好煙韌Q彈，成個制作過程仲係公開透明，飲得安心。咁好味，同朋友經過一人叫一杯飲啦。朋友叫黑糖珍珠鮮奶2.0，我就試下有冬瓜味既黑糖珍珠冬瓜鮮奶2.0，加左冬瓜茶既味道，口感更豐富，原來咁夾。2.0原來係鮮奶增量左30%，更香奶味。店裏面有教，最正確既飲法係用飲管輕輕攪拌五到六圈就飲得，因為搖得太勁，暖暖既珍珠就遇冰就會慢慢變硬，影響口感。見佢左啲豆花飲品，下次試下先。