客家好棧 (Closed)

食燒鵝唔使特登去到深井咁遠，嚟到淘大嘅客家好棧一樣有好好食嘅燒鵝。今日午飯 ，我特意叫了一客燒鵝瀨粉 ，滿足一下自己食燒鵝嘅慾望。等咗一陣，終於都上菜啦 ，竟然是燒鵝脾。我急不及待夾了一塊，燒鵝色澤均勻，佈滿油光，鵝皮燒燒得非常香脆，咬落去陣陣好香燒鵝油香味 。而且非常厚肉，尚算嫩滑。配上質感厚實的瀨粉。我食完一塊又一塊，真係好好味。好耐無食過咁好味既燒鵝啦！至於其他的點心，都幾好食。我特別欣賞炸雲吞，雲吞皮炸到卜卜脆，入面啲蝦肉呢都係剛剛熟，又爽又滑。