喜客比薩 (Closed)

上星期日和舊女友重聚，特別約番到沙田Shakey's Pizza食tea，喜歡那兒因為那兒充滿我們拍拖時的回憶，還記得以前我們時常8時左右取飛，之後到UA睇戲10時後回來剛好有位，妳當時還相信我是故意安排的，其實只是這間Shakey's太多人，湊巧要等2小時後才有位給我們。事隔一年，今次借故憑屈臣氏收據可換取秘製脆薯再約佢食Shakey's，點知發現ｄ食物比以往我們食的時候仲好了很多。Tea Time 真係食唔得多野，但見佢之前無食lunch，咁我就替她拿定主意叫了個喜客至尊細批大家分，我4件佢2件都ok，加埋2杯汽水和免費脆薯，份量應該剛好有餘，所以大家都不作他選了。結果，等了10分鐘左右pizza上檯了，賣相和味道都好ok，尤其是pizza的材料好豐富，最喜歡有咁多青椒和菠蘿在上面，批邊好脆但唔太油膩，真係好好味。我還借故說笑是廚師記得我們以往時常光顧，所以特別關照我們，不過見佢笑也不笑就知這是一個不好笑的笑話，不過$98真係值回票價！ 真的很希望還有下一次同佢食shakey's!