櫻拉麵 (Closed)

日日WFH,食自己煮嘅即食麵食到寡。放假就落樓下食下新野。呢間新野舖位比較細，大約十個位左右。叫咗個豬軟骨拉麵。面嘅軟硬度可以選擇。我一般都要硬D。等咗五至十分鐘到，碗面到咗。（好搞笑，個待應同碗面影完張相先拎俾我🤣）問個待應要杯水....竟然係熱水。（夏天食真係會熱死）如果喺日本食拉麵，一定係俾凍水囉。講番碗面，D面硬度合我心意，個豬軟骨又唔大淋，啱啱好。個湯都十分好味。最後埋單原來要加一，估佢唔到。佢地暫時唔做外賣。星期一休息。同埋下午茶時段休息。