霸王山莊 (Closed)

話說今日老闆要為Ben Sir餞行，當然要搵間有霸氣的餐廳啦，Ben Sir親自欽點要去霸王山莊，莫非想吃霸王餐？呢間集齊京、川、滬、杭四大名菜於一身的餐廳，都咪話唔霸氣。吃川菜又點少得試宮保雞丁？呢味餸火辣辣的指天椒同埋乾蔥爆香雞柳，味道相當刺激，賺人熱淚。仲有上海小籠包、水晶肴肉、賽螃蟹、上海粗炒等經典滬菜。當然唔少得呢度出名嘅招牌霸王炒飯，飯炒到粒粒分明，配上火腿粒同埋蝦米乾，難怪霸王都愛吃！如果略嫌個飯炒得太乾身，仲可以加一羹賽螃蟹就岩岩好，變成「賽螃蟹霸王炒飯」。仲有沙鍋雲吞雞，雲吞大大粒，雞湯鮮甜好喝，真係滾一滾，霸王都企唔穩！午餐做到如此水準，值得再來試試晚巿功力。