清溪川韓國食堂 (Closed)

前日食過一間味道很好的韓國餐廳, 名叫清溪川!價錢可能偏高少少, 但味道卻是十分之好, 一坐低有個好似solar咁既樣的侍應同我用英文落柯打, 我問番佢有咩好介紹, 咁佢就介紹我食個餐, 但係我都係鍾意散叫多啲, 因為個餐的食物主要都係燒野食, 我就唔係咁想揀左個辛辣海鮮麵食, 另外要左個石頭飯, 同一碟燒牛肉食, 唔好睇只係叫左三個餸, 好似一般食韓國餐個practice咁, 只係小食已經十碟, 泡菜已經好好食, 好想要多一碟! 最好食係個白雪雪既糕, 唔知係咩嚟, 但口感好正!石頭飯味道ok, 只係覺得比較淡, 但個海鮮麵真係無得頂, 夠辣, 夠香, 仲有隻賴尿蝦, 海鮮份量夠多同落足料, 每一啖麵食落夠哂刺激!燒牛肉就普通, 醃得唔算好味, 所以證明唔叫餐係無錯, 呢間韓國食店好味唔係在於燒肉, 而係泡菜味的食物呢!