Video
Read full review
2012-03-03
139 views
講咗好耐, 今天終於一嘗此餐廳的牛腸鍋了, 感動.星期三晚上六點半未夠去到, 沒有訂位但都可以直入, 但只限坐 bar 枱, 兩口子, 無所謂啦, 而且坐 bar 枱仲好, 可以欣賞廚師煮嘢食添坐到埋位, 看看餐牌, 當然一定要食牛腸鍋啦, 所以要了博多牛腸鍋 (蕃茄湯底) $168, 另加雜炊 $38另外仲有鰤魚刺身 $88, 南蠻炸雞 (大) $58, 及雜錦串燒 $118落完單, 四圍望兼影吓相, 又望住廚師煮嘢整串燒首先上枱係鰤魚刺身, 總共有五大片, 望上去有魚身色帶光澤及頗肥美, 夾一片放入口中, 有爽口的感覺, 但味道雖然唔可以說差, 但真是十分十分普通, 魚味欠奉.其實去呢一類型的日式食店 (例如居食屋), 小弟本身就唔多會叫刺身/壽司, 但我見張 catalog 介紹又好似唔錯喎, 兼且又未食過鰤魚, 所以一試.早知唔受佢張 catalog 的誘惑, 用呢 $88 食其他嘢會好啲好嘞, 主角出場, 博多牛腸鍋 (蕃茄湯底)比預期中大鍋 (其實份量係相當正常, 只係我之前一直覺得佢好細鍋啫)有切成細粒的牛腸及椰菜墊底, 中間就係大量的韭菜一字排開最上層舖咗一個已切片的蕃
星期三晚上六點半未夠去到, 沒有訂位但都可以直入, 但只限坐 bar 枱, 兩口子, 無所謂啦,
而且坐 bar 枱仲好, 可以欣賞廚師煮嘢食添
坐到埋位, 看看餐牌, 當然一定要食牛腸鍋啦,
所以要了博多牛腸鍋 (蕃茄湯底) $168, 另加雜炊 $38
另外仲有鰤魚刺身 $88, 南蠻炸雞 (大) $58, 及雜錦串燒 $118
落完單, 四圍望兼影吓相, 又望住廚師煮嘢整串燒
首先上枱係鰤魚刺身, 總共有五大片, 望上去有魚身色帶光澤及頗肥美, 夾一片放入口中,
有爽口的感覺, 但味道雖然唔可以說差, 但真是十分十分普通, 魚味欠奉.
其實去呢一類型的日式食店 (例如居食屋), 小弟本身就唔多會叫刺身/壽司,
但我見張 catalog 介紹又好似唔錯喎, 兼且又未食過鰤魚, 所以一試.
早知唔受佢張 catalog 的誘惑, 用呢 $88 食其他嘢會好啲
好嘞, 主角出場, 博多牛腸鍋 (蕃茄湯底)比預期中大鍋 (其實份量係相當正常, 只係我之前一直覺得佢好細鍋啫)
有切成細粒的牛腸及椰菜墊底, 中間就係大量的韭菜一字排開
最上層舖咗一個已切片的蕃茄, 再洒上日本紅椒絲及小量紅椒片和芝麻
先唔好講味道, 整個賣相已經相當吸引
係等湯底要番熱的時候, 另一碟小食上枱, 南蠻炸雞 (大),
至於味道如何, 一陣再講, 講番個牛腸鍋先
係番熱嘅過程中, 陣陣嘅香味飄入鼻中, 直攻入大腦,
蕃茄等等的蔬菜味, 加上濃香牛腸味, 一柔一剛, 一清一濃, 未入口已經流哂口水
煮滾嘞, 有得食, 先嚟一啖湯先, 清甜的蔬菜 mix 上味濃且香的牛腸, Fantastic
再吃一件細切牛腸粒, 牛腸外層煙韌有咬口, 算得上爽口彈牙
牛腸內的牛膏香滑味濃, 真係食完一舊又一舊, 但只嘆牛腸太小了
雖然牛腸係主角, 但做配角的蔬菜都十分出色,
蕃茄, 椰菜及韭菜深深的吸收了湯底的味道, 味道絕對不比主角牛腸遜色
一道菜, 色香味同樣出色, 真不愧為招牌菜式
但, 驚喜仲未完, 當食哂鍋中的材料, 美味的湯底要如何處置? 雜炊是也
雜炊, 其實即是先將白飯放入湯底中, 滾熱了, 再加入打勻的雞蛋,
等每粒白飯都飽滿地吸收湯中的味道及精華, 最後加上蔥花粒, 禮成.
呢碗白飯, 絕對係精華之中的精華, 係將整鍋牛腸鍋完完整整吃進肚中,
嗰種滿足嘅感覺, 絕對非筆墨及言語可以形容到
至於嗰啲咩膽固醇, 咩高卡路里, 通通拋諸腦後
好啦, 講番碟南蠻炸雞 (大), 總共有五件, 每件的份量都十分均一雖然叫作炸雞, 但並不是脆卜卜的那一類,
雞件外層染上薄薄的炸粉 (並不是脆炸粉), 新鮮熱辣炸起,
入口完全不覺有油淋淋或肥膩的感覺, 雞肉嫩滑及有肉汁,
再加上略帶微酸的醬汁, 十分開胃的美味小食, 推介
最後要講嘅就係雜錦串燒, 總共有五款, 各一串串燒有雞軟骨, 煙肉毛茄 (Lady Finger), 八爪魚鬚串燒, 雞肉, 及雞中翼
此店的串燒, 係使用備長炭嚟燒的, 至於同普通炭嚟燒有咩分別,
對廚師來就, 就係燒起上嚟, 火力強而且猛烈, 而且火侯比較容易控制,
但對於我來說, 就係啲串燒係無炭屎粒痴住, 串燒表面十分乾淨.
講番串燒本身, 最好味係煙肉毛茄, 毛茄燒完都唔覺乾身
其次好味嘅係雞中翼, 皮脆肉嫩, 內裡仲有些少肉汁
至於最差就係雞肉啦, 無味道不特只, 而且比較 '鞋' 口,
如果同南蠻炸雞啲雞肉比, 真係一個天一個地 (天就當然係南蠻炸雞啦)
小弟同老婆, 一致都覺得呢間餐廳絕對係兩口子 Best List 中的頭十位而且一定會再嚟幫襯, 除咗招牌菜牛腸鍋外, 仲要試埋其他食品,
好似相撲鍋, 美肌鍋, 等等
埋單連加一 $517, 雖然價錢偏高, 但絕對值得.
Post
