劉老太手工餃子

Open Now

Now Closed

上星期六第一次幫襯，叫咗香煎蓮藕餅飯，麻醬雞絲冷麵，麻辣雞絲飯，椒鹽墨魚餅，煎木耳雞肉餃子及麻辣菜脯餃子。好好味，份量好夠，有驚喜。等外賣期間，老公打俾我，佢好鍾意食餃子，知道我買緊外賣，話不如買啲生餃子返屋企，於是我再買咗麻辣菜脯餃子，木耳雞肉餃子，泰式香葉肉碎餃子，及大白菜餃子，另外再買多一打雲吞加多一樽大辣嘅辣椒菜脯。老公及屋企人剛剛於星期三煎晒啲餃子同埋上湯雲吞出嚟食，個個都話好好味，皮薄餡靚，辣椒菜脯好香，好惹味。我老公已經打算要我再去買生餃子回家，我都打算再去幫襯。因為真係好好味，而且打算試埋其他美食、真係冇諗過美孚都有間隱世美食店。