證券商協會會所

Open Now

Now Closed

由於有同事係呢間餐廳既 member，所以一行五人去左呢度食午餐。1點過少少去到，已經差不多坐滿，聽同事講如果近節日，要預早d bk 位。呢度大部份侍應都係年紀較大的，但也相當友善。格局跟一般酒樓差唔多，但坐位/ 桌與桌之間也很寬闊。我地叫左....白菜煲豬肺湯: 好味，飲得出無味精，湯渣不是太爛，所以也可以食。鎮江骨: 聽講係呢度係出名既，又真係好好味，個味道調校得很適中，不過過甜或過酸，d汁又唔會太杰，送飯一流呀!半隻炸子雞，雞皮很脆，雞肉很滑，可能我較喜歡濃味，所以點埋胡椒粉好味d。肉碎扒小棠菜: 個芡汁唔會太杰，送飯亦也不錯。玉子豆腐帶子菇煲: 好日式呀! 顏色好靚。帶子很有鮮味，但數量亦不少呀，好味!到了甜品，同事預先訂了薑汁燉奶，但不夠奶味和薑味，似在吃燉蛋白多d~亦有免費紅豆沙送，唔知係咪因為食完燉奶關係，所以紅豆沙唔係好甜，不過就夠沙。整體來說，很滿意，上菜速度亦很快，而且食物份量又不少，一定會再來食。5人叫了1個例湯，4個餸，2個白飯，4個甜品，埋單$590，每人$120左右。