名廚

Open Now

Now Closed

都係冒古天樂之名而來，地點唔算好就腳，由天后地鐵站行過去都要10分鐘左右。因為疫情關係，成間酒樓都冇咩人。入去嗰陣仲要連門都鎖埋，真係以為佢冇開。之後有個職員路過問我哋係咪食飯，咁先開門叫我哋入去。成間餐廳淨係得VIP房有一枱人，我同媽媽就霸晒出面成個大廳。我哋只係叫咗兩味餸，二鮮賽螃蟹同埋魚肚雲耳蒸雞，好好味但真係一啲都唔平，加碗飯計埋茶錢加一埋單724蚊。至於服務，可能因為冇乜人，所以冇之前啲食評寫得咁差。服務員有禮貌，服務唔係極好但又未至於差。食完仲有糖水送。