十十川滬料理 (Closed)

最近迷上左食酸菜魚😋，見到依間餐廳既食物好吸引，環境好大，亦都經常聽身邊朋友提及依間D食物味道唔錯，就同朋友一齊黎食😊老壇酸菜魚———遠處已聞到好香既酸菜魚味，魚片份量多，而且好大片，食落去好滑，好好味，除左有大大片既魚片之外，還有好多配料，例如：酸菜、大豆芽、萵筍、菇、薯粉。薯粉好滑、好煙韌彈牙，索嗮湯底既精華，好正👍😋糖醋小排骨———份量十分多，糖醋味香濃，食落去酸酸甜甜，非常開胃，而且排骨肉質鬆軟👍涼拌萵筍絲———看落去雖然平平淡淡，食落去超級好味😋，好香濃麻油味，萵筍絲幼長，十分爽口，真心推介👍胡麻醬秋葵———最近愛上左食秋葵，依間餐廳既秋葵真心好味😋，秋葵幼細，好嫩滑，配合埋胡麻醬真係完美配搭❤️👍酥皮鳳梨奶黃窩餅———好香既鳳梨味，食落去外層酥脆，內層食到粒粒鳳梨，奶黃味重，唔錯👍😊