Video
Read full review
2023-06-04
131 views
食完之後會再想食嘅omakase有幾間？呢間算係我食過嘅店入面，性價比最高嘅一間，而且啲魚都比較肥美，係我鍾意嘅味道，真心推薦俾大家☺️我哋叫咗午市$780嘅餐，好豐富好好味😋首先會上沙律菜、酸醋水雲同埋好足料嘅蒸蛋，朋友都對蒸蛋讚不絕口。之後上新鮮嘅日本小長井真蠔，上面加入金萡，個汁酸酸哋，又靚又好味😋之後見師傅係度拍打赤貝，可以增加口感，新鮮嘅赤貝果然好鮮甜。之後上松葉蟹，蟹肉多到滿瀉，仲食得出海水味，配上紫蘇葉花，好香。鰹魚，香香哋酸酸哋嘅鰹魚配上蒜蓉，好夾。燒目光魚，呢個真係第一次食，好香，望落似魚乾，但反而似煎魚嘅味道，細細條但係魚肉都幾多。之後上壽司:北海道帆立貝，大大粒加入柚子皮同岩鹽，真係好好味😋池魚，加入薑蔥，增加香味。伊佐木，少少煙韌，口感特別。赤身，用咗醬油漬，由於係吞拿魚背部，所以相對冇咁肥，之後就會食到肥美部位。中拖羅，勁肥美，加入法國魚子醬，口感更豐富。大拖羅更加香口，薑蔥漬同芝麻油，可以減低油膩感。蝦都係當中印象深刻嘅一款，上面加入蝦頭蝦膏熬制嘅蝦汁，真係勁香，同下面層脆脆絕配。右口魚，又係好肥美嘅魚，比左口好味，燒完好香，燒完嘅汁仲可以倒落飯度，好好味呀最
首先會上沙律菜、酸醋水雲同埋好足料嘅蒸蛋，朋友都對蒸蛋讚不絕口。
之後上新鮮嘅日本小長井真蠔，上面加入金萡，個汁酸酸哋，又靚又好味😋
之後見師傅係度拍打赤貝，可以增加口感，新鮮嘅赤貝果然好鮮甜。
之後上松葉蟹，蟹肉多到滿瀉，仲食得出海水味，配上紫蘇葉花，好香。
鰹魚，香香哋酸酸哋嘅鰹魚配上蒜蓉，好夾。
燒目光魚，呢個真係第一次食，好香，望落似魚乾，但反而似煎魚嘅味道，細細條但係魚肉都幾多。
之後上壽司:
北海道帆立貝，大大粒加入柚子皮同岩鹽，真係好好味😋
池魚，加入薑蔥，增加香味。
伊佐木，少少煙韌，口感特別。
赤身，用咗醬油漬，由於係吞拿魚背部，所以相對冇咁肥，之後就會食到肥美部位。
中拖羅，勁肥美，加入法國魚子醬，口感更豐富。
大拖羅更加香口，薑蔥漬同芝麻油，可以減低油膩感。
蝦都係當中印象深刻嘅一款，上面加入蝦頭蝦膏熬制嘅蝦汁，真係勁香，同下面層脆脆絕配。
右口魚，又係好肥美嘅魚，比左口好味，燒完好香，燒完嘅汁仲可以倒落飯度，好好味呀
最後係大滿足--海膽丼，上面仲要加入厚厚一層三文魚子，真係好正呀，海膽嘅鮮甜真係冇得頂。
食完成個餐先會上湯同甜品，當日甜品係佢哋自家製嘅焙茶布丁，真係勁香勁滑 😍下次去元朗記得去試啦☺️
Post
