Video
Read full review
2006-07-02
4 views
其實應該食完即刻寫，不過，呢間d野食好食，所以仲好記得食過d咩同埋味道如何，記憶猶新。所以想讚一讚佢。o個排因為arm arm 食完蓮香﹝當時以JC非會員為蓮香留過言﹞，好味o既八寶鴨拿左返屋企都仲未食完，所以雖然知道小南國o既八寶鴨水平都唔錯，但真係唔敢試了。老爸最愛吃小南國，所以銅鑼灣另外一間小南國我都去過。今次黎呢間食，感覺上比起o個間，呢間印象深好多。上次佢地大讚，我食完又無咩感覺，今次就好唔同啦！o個晚叫左：醉雞、蟹粉小籠包、灌湯生煎包、叉子菘、砂煱雲呑雞、上湯百葉小棠菜、松子桂魚同糖蓮藕。首先黎o既醉雞，去過另一間小南國o既食評都應該見過醉雞幅相，係用好細o既碗仔裝住。所以顯得份量好少。但食落其實又夠，因為佢分開兩三層，各層都有三四舊，總共我估十舊倒掛，其實同平時用碟serve o既份量差唔多，但係因為d雞塞埋一齊，所以顯得好少。應該係因為佢想將d雞浸o係d酒度等佢唔會乾身，上台o既時候大家夾落o個碗度仍然係有好多酒o係面o既雞，咁隻雞先至夠「醉」掛？我就好欣賞啦，d雞又滑又有酒味。正。之後係小蘢包。我覺得都幾好啦。比著我以前一定大讚，但可能因為近來想食清淡d，所以佢裡面d
o個排因為arm arm 食完蓮香﹝當時以JC非會員為蓮香留過言﹞，好味o既八寶鴨拿左返屋企都仲未食完，所以雖然知道小南國o既八寶鴨水平都唔錯，但真係唔敢試了。
老爸最愛吃小南國，所以銅鑼灣另外一間小南國我都去過。今次黎呢間食，感覺上比起o個間，呢間印象深好多。上次佢地大讚，我食完又無咩感覺，今次就好唔同啦！
o個晚叫左：醉雞、蟹粉小籠包、灌湯生煎包、叉子菘、砂煱雲呑雞、上湯百葉小棠菜、松子桂魚同糖蓮藕。
首先黎o既醉雞，去過另一間小南國o既食評都應該見過醉雞幅相，係用好細o既碗仔裝住。所以顯得份量好少。但食落其實又夠，因為佢分開兩三層，各層都有三四舊，總共我估十舊倒掛，其實同平時用碟serve o既份量差唔多，但係因為d雞塞埋一齊，所以顯得好少。應該係因為佢想將d雞浸o係d酒度等佢唔會乾身，上台o既時候大家夾落o個碗度仍然係有好多酒o係面o既雞，咁隻雞先至夠「醉」掛？我就好欣賞啦，d雞又滑又有酒味。正。
之後係小蘢包。我覺得都幾好啦。比著我以前一定大讚，但可能因為近來想食清淡d，所以佢裡面d汁幾多油就覺得有d膩，但我諗無油一定唔好味。皮好薄，汁多。但係會唔會有d汁太多而皮太薄呢？唔知，不過餡還可以。
之後係生煎包。生煎包的確個包底係幾好...雖然厚但係勝在夠脆，但都略嫌太硬，咬o既時候包底同其他部分就比較容易散開，肉還肉食，包底還包底食。不過d肉汁份量幾好，包皮唔會索晒d汁而林晒但又一d都唔會乾，仲有汁流出黎。總體黎講都唔錯o既。
叉子鬆就麻麻啦，我記得o個時o係另外一間小南國食o既好好多。呢邊個叉子燒餅一來酸酸地二來唔脆三來凍凍地，所以就算d餡料再好都補唔返。
砂鍋雲吞雞，一般啦，不過不失。個雲吞皮夠薄又嫩，雞湯幾鮮。不過唔係話十分特別，可能係因為有d foodcourtl裡面都食到呢味餸掛？
到我最鍾意o既三味「食送」，首先係清清地o既百葉小棠菜。佢d百葉好新鮮，因為有好似落足料同長時間煲o既上湯伴住，所以唔會乾身而且非常有大豆味，再加上小棠菜o既質素好，呢味餸滿分！
另外係松子桂魚。其實食到最後先上呢道菜，所以一上黎咁大條就好驚，因為已經好飽。通常o係咁o既情況下，咩野都會無咁好食，不過今次例外。因為我地有六個人。分一人一舊，竟然已經分晒，仲驚住大家唔夠食添！有時如果外皮炸得唔好而又索晒d汁就會非常膩同難食，但係佢o既麵粉炸得非常好，鬆脆，痴住裡面嫩o既魚肉一齊食，甜甜酸酸，好味！連我唔鍾意食炸野o既人都話好，我諗就真係好架啦。
最後，係糖蓮藕。細細一碟，雖然佢係塞左滿滿o既糯米o係裡面d孔孔度，然後切開一塊塊上碟。我以為一定會幾甜下，但如果我無估錯佢應該係用冰糖，所以甜得黎好清，少有！好食，下次就算其他都唔再點試新野，但呢個都必須一再回味！
Post