Wolfgang's Steakhouse Hong Kong

Open Now

Now Closed

大概八点(星期六)左右到達餐廳都有八、九枱客，係疫情下仍然有呢個境況算唔錯，正好反映呢間餐廳平時應該做得好。佢哋最出名就係牛扒，所以order咗Porterhouse for two, 一邊係Sirloin，一邊係Rib Eys。第一眼見到就係份量十足，兩邊都整得剛好，肉質好嫩滑，外面有少少焦香，特別係有少少燶啲位香脆加嫩滑好唔錯。我個人就比較喜歡sirloin，因為味比較濃郁。由於今日得兩個人，食完個份量十足嘅牛扒已經有八九成飽，所以我哋order咗個小食-新鮮炸薯片用嚟送酒，薯片炸得剛好不油不膩，香脆可口，就噤食最好，唔使加其他嘢。除咗食物好之外，佢哋嘅服務都好唔錯，特別係個Assistant Manager介紹食物好詳細，提議我哋用醋去食個steak,果然成個感覺唔同曬，好正。今次得兩個人叫嘢唔多，下次一定會再試多啲，對佢哋好有期望。整體食物會比85分，服務會有90分。