割烹 炑 (Closed)

今日尖沙咀附近收工，預先約咗妹妹食番餐好嘅傾下計。廚師發板，師傅會因應唔同季節嘅食材，而餐單有所改變。今餐前菜，採用日本櫻花裝飾，充滿春天氣息，螢光魷魚、春筍、靜岡糖蕃茄及菜之花，海鰻苗(送)，配合土佐醋及薑。刺身-粒貝~面層灑上柚子皮，後面係日本蘿蔔苗。椀物(熟魚)：太刀魚(牙帶魚)、蕪青、椎茸(冬菇)、人參(日本紅蘿蔔)，湯好清甜。真牡蠣，岩手縣生蠔~外脆內軟，非常新鮮。海老芋唐揚，先煎後炸，毛蟹蟹肉羹 ~新鮮熱辣辣炸起，香脆可口，蟹肉羹入口滑滑的。長崎縣的寒鰤(冬季魚)~好肥美，質地比較實在。北海道蝦夷鮑魚~師傅用三小時去淆製呢個鮑魚，下面係稻庭烏冬，用鮑魚肝臟煮鮑魚汁。吞拿魚刺身出場，赤身，醬油油漬製法，不需要醬油，然後中拖羅，最後大拖羅。日本三大神牛之一近江A4牛~師傅把和牛輕輕烤熟，配上自家製醬汁，日本豆苗，日本茄子，日本鰆魚~兩種唔同嘅煮法，前面是日本麵豉醃漬四天的造法，後面係用櫻花木煙燻，各有特色。鮟肝赤酒煮~島根縣的鮟康魚肝，採用紅酒慢煮，上面放上芽葱。北海道雲丹~赤海膽，富三灣嘅小白蝦，壽司飯都混入海膽，最後由師傳親手灑上淡雪鹽，味道唔鹹。三重縣伊勢海老天婦羅(龍蝦