金泰屋

Open Now

Now Closed

今日同事同我FAREWELL，去左公司附近既泰國餐廳食晚飯。好耐無試過係露天茶座食嘢，好好FEEL，仲有流行曲播放。睇到飲品有龍眼冰(熱/凍)，由於貪玩，就叫左一杯熱既黎飲，仲問職員點解我杯龍眼冰無冰。可能飲慣凍，熱飲好似糖水，同埋好細杯。其他叫左泰啤，買三送一。前菜叫左炸蝦餅、豬頸肉同蒜蓉包，炸餅熱騰騰，好正，內軟外脆；豬頸肉正常啦；蒜蓉包好足料，好好味主菜叫左個雞肉青咖喱、馬拉盞通菜同海鮮金邊粉，青咖喱好香濃，馬拉盞通菜就辣左少少，金邊粉就不覺不失。最後，我地叫左一個芒果糯米飯，估唔到係心型都幾靚，呢個甜品都幾好食。