Video
Read full review
2018-07-17
114 views
真係好大碗龍蝦麵，我承認係因為呢個龍蝦麵吸引到我，話說佢哋做緊特價，洗面盤咁大碗面都只係＄84，前幾日經過見到好多人都食，橫掂今晚唔煮飯就決定試一試。呢個龍蝦麵真係無呃人，簡簡單單，一大隻波士頓龍蝦，雞蛋，豆卜，油麵加米粉，一大碗喇沙湯，簡單，好味！隻龍蝦冇厄人，龍蝦肉入口彈牙，仲有龍蝦糕，講到尾最緊要夠新鮮。我比足一百分佢！寶寶叫咗香茅豬扒撈㩚，出乎意料之外佢嘅份量都好大，我偷食咗一舊豬扒，香口，帶甜味，加咗酸醋汁嘅㩚粉酸味味好開胃，我最鍾意係佢嘅花生，花生係炸起嘅，入口脆脆地，同埋㩚粉一齊食，一脆一林好好味！兩個貪心鬼仲叫咗份蠔仔煎蛋，呢個我要比200分，佢嘅蠔仔好大粒，雞蛋唔會煎到死實實，加埋是拉差一齊食，熱辣辣好好味！個杯芒果沙冰就真係不得了，不過真係太大杯，四個人飲就差唔多！冇味精！冇味精係最緊要！又或者咁講，要落都唔好太過分，呢間餐廳嘅食物令到人食得好舒服，好抵讚！最後要讚佢哋侍應好爽手，亦都好有禮貌，我哋一定會再返嚟幫襯！
呢個龍蝦麵真係無呃人，簡簡單單，一大隻波士頓龍蝦，雞蛋，豆卜，油麵加米粉，一大碗喇沙湯，簡單，好味！隻龍蝦冇厄人，龍蝦肉入口彈牙，仲有龍蝦糕，講到尾最緊要夠新鮮。我比足一百分佢！
寶寶叫咗香茅豬扒撈㩚，出乎意料之外佢嘅份量都好大，我偷食咗一舊豬扒，香口，帶甜味，加咗酸醋汁嘅㩚粉酸味味好開胃，我最鍾意係佢嘅花生，花生係炸起嘅，入口脆脆地，同埋㩚粉一齊食，一脆一林好好味！
兩個貪心鬼仲叫咗份蠔仔煎蛋，呢個我要比200分，佢嘅蠔仔好大粒，雞蛋唔會煎到死實實，加埋是拉差一齊食，熱辣辣好好味！
個杯芒果沙冰就真係不得了，不過真係太大杯，四個人飲就差唔多！
冇味精！冇味精係最緊要！又或者咁講，要落都唔好太過分，呢間餐廳嘅食物令到人食得好舒服，好抵讚！
最後要讚佢哋侍應好爽手，亦都好有禮貌，我哋一定會再返嚟幫襯！
Post
