龍亭

間中豪食一餐，對自己好啲係自己的責任，所以今晚就同男朋友Happy Friday 去食餐好。今餐揀了食鐵板燒，店舖在街巷的轉角位，神秘的門面顯得特別起眼。入到裏面，嘩! 設計好酷呀! 除了有張鐵板枱外，還有幾張二至四人枱，座位唔多，所以訂定位最穩陣，男朋友聰明!有幾款鐵板set外，還有一些單點菜式。今晚我哋揀了入門廚師發板套餐 PRIMER OMAKASE ($588/五道菜)，對我哋來講已經係豪食。五道菜有沙律、兩款海鮮、一款肉、炒飯和甜品。有美食自然要有美酒，選了一支美人梅酒($128/300ml)，配了一對高貴的小酒杯，高級晒! 冰涼透心，酒味較濃，淡淡梅味，唔會太甜，岩晒我男朋友的口味，其實我仲飲得多過佢，哈!第一道是沙律 ，沙律菜好新鮮清爽，底層配了黑醋而面層就淋了柚子醋，好有心思，雙重酸咪咪，食落更清新。還有甜美多汁的鮮菠蘿配鹹香的煙三文魚，原來都好夾，好食!鐵板燒開始，可惜今晚訂唔到鐵板枱，只有遠距離望，但間中都忍唔位走近一啲…….鐵板海鮮兩品，兩個人即是有四款，我地要咗兩份東星斑、一份北海道元貝和一份白鱔。嘩!好有心思的擺碟，而每份主菜都有不同的配搭。東星斑配柚子黑醋，