Video
Read full review
2023-09-26
5644 views
開舖一段時間，第一次去睇左少少其他人分享，知道係服務態度非常好😆分享下有咩value added service:👍🏼等位有枱櫈有飲品小食例如青瓜蕃茄仔，有零食細細包2款口味內地出品但味道正常，仲有小朋友玩具玩👍🏼有免費美甲😲修甲、gel甲同拆甲，好多顏色揀，當日有幾款粉紅色已無晒；美甲姐姐仲同我女貼左指甲貼紙，當日只有Hello Kitty 但阿女超級開心（原來可以唔駛入座後先取飛，預太多人既時段係會等唔到既）👍🏼預早訂會預備海景卡位放好生日燈飾，畫左happy birthday 既碟，仲有好誇張開到超大聲咁播生日歌，幾個員工會捧蛋糕攞住燈牌一齊唱生日歌，好過癮😂如果無買生日蛋糕會送果盤插蠟燭，無切餅費的👍🏼有小朋友玩具送，我女想要之前朋友仔既玩具，姨姨好努力搵但可惜都搵唔到送晒，於是又再送多2個玩具仔俾佢，呢啲小心意小朋友好開心😂👍🏼大人同小朋友都有圍裙，有小朋友的，姨姨仲會細心幫小朋友著上👍🏼免費任取冷盤海帶、青瓜、蕃茄，烏雞湯有雞有菇好飲，水果有哈密瓜，甜品雪耳糖水幾好唔會太甜，或者請侍應幫你攞都可以🤷🏻♀️有變臉表演但當日表演者放假無得睇👍🏼點選手拉麵會喺你面前即時手拉表演，
開舖一段時間，第一次去睇左少少其他人分享，知道係服務態度非常好😆
分享下有咩value added service:
👍🏼等位有枱櫈有飲品小食例如青瓜蕃茄仔，有零食細細包2款口味內地出品但味道正常，仲有小朋友玩具玩
👍🏼有免費美甲😲修甲、gel甲同拆甲，好多顏色揀，當日有幾款粉紅色已無晒；美甲姐姐仲同我女貼左指甲貼紙，當日只有Hello Kitty 但阿女超級開心（原來可以唔駛入座後先取飛，預太多人既時段係會等唔到既）
👍🏼預早訂會預備海景卡位放好生日燈飾，畫左happy birthday 既碟，仲有好誇張開到超大聲咁播生日歌，幾個員工會捧蛋糕攞住燈牌一齊唱生日歌，好過癮😂如果無買生日蛋糕會送果盤插蠟燭，無切餅費的
👍🏼有小朋友玩具送，我女想要之前朋友仔既玩具，姨姨好努力搵但可惜都搵唔到送晒，於是又再送多2個玩具仔俾佢，呢啲小心意小朋友好開心😂
👍🏼大人同小朋友都有圍裙，有小朋友的，姨姨仲會細心幫小朋友著上
👍🏼免費任取冷盤海帶、青瓜、蕃茄，烏雞湯有雞有菇好飲，水果有哈密瓜，甜品雪耳糖水幾好唔會太甜，或者請侍應幫你攞都可以
🤷🏻♀️有變臉表演但當日表演者放假無得睇
👍🏼點選手拉麵會喺你面前即時手拉表演，但份量好少
👍🏼點選海蝦會幫手去殼😲但侍應太忙我地只係叫佢做2隻偷師😂
👍🏼埋單有糖有雪米磁仲送一紙袋10包小零食帶走
至於食物，樣樣都唔錯，新鮮
👍🏼必點海蝦好生猛好食，$98/6隻
100 views
1 likes
0 comments
👍🏼饅頭即炸外脆內鬆軟好食，好食到encore多碟
87 views
0 likes
0 comments
👍🏼湯底足料，蕃茄湯幾好飲😂豬肚湯都幾多豬肚同雞
醬料可選加錢每位$1x
飲品可選加每位$1x任飲豆漿等幾款
湯底可選4格好彈性好經濟，可選清水格不需錢，有小朋友方便
限時個半鐘，夠鐘會善意提醒但又唔會真係趕你走🙈
服務黎講係算好好，行出行入侍應見到會打招呼問你有咩幫手
總括黎講係性價比高，可以再來😃
101 views
1 likes
0 comments
157 views
0 likes
0 comments
Post
