小鍋霸 (新都城中心二期) (Closed)

如果以台式火鍋嚟講，佢唔算多台灣嘅菜式，鴨血都只係屬於普普通通嘅味道。但係佢嘅海鮮又出乎意料之外嘅新鮮同好味，尤其係🦐，好新鮮，鮮甜，有蝦膏，忍唔住添加左兩輪。炸魚皮佢有兩款，好欣賞有「有骨魚皮」，香脆👍🏻，唔係好多地方食到，不過食嗰陣時候真係要小心啲。值得讚嘅係佢添加嘅湯，係真係湯，唔係水，足料，仲不停為你添加。飲品都有好多選擇，同埋好大杯。服務都值得一提，服務員個個都態度好好，自動會玩碟，臨走我仲要唔記得食雪糕就埋單，佢仲提返我，叫我入返去坐低食完先慢慢俾錢😂