LAVA Bar & Restaurant (Closed)

Lava今日同朋友去到尖沙咀食一間西班牙餐廳Lava， 佢係一間酒吧加餐廳，所以入到去燈飾會比較昏暗，氣氛會比較有情調， 仲會有一排吧枱比客人飲酒。我地叫咗兩樣野食當係頭盤，第一樣叫既係馬薩拉炸雞髀仔。 埋到枱既時候已經聞到香味，食落去外脆內軟， 醬料已經 喺晒啲雞髀仔上面， 餐廳用既係薄荷醬，同炸雞好夾， 食落去都唔會好肥膩。 第二樣叫既係炸魷魚配青檸辣椒， 同樣都係會食到鬆脆既外層，之後入面既魷魚都好爽口有口感， 呢樣菜嘅配料係沙律醬， 同成個炸物好配合， 趁熱食就一流。之後我地係主食方面叫咗一個古巴三文治配火箭菜 ， 佢係由慢煮豬肉，火腿同埋芝士合成， 豬肉食落去有少少似吞拿魚， 所以會食得出好濃郁既肉味， 呢種味道同芝士好夾，加上烘左既麵包做外層， 口感就會更加鬆脆。 第二樣主食係西班牙藍蝦加大蜆燴飯， 雖然個名係叫燴飯，但係佢係以西班牙風格去煮，所以食落去會比較似炒飯， 口感亦都會更加煙韌， 味道都食得出係由濃郁既醬料煮。 蜆肉都好新鮮，而且食得出係有時先用火槍或者炭燒，所以鮮味亦都特別出。 雖然蝦肉無咁濃郁，但係口感亦都好爽甜，同燴飯好配合。