Video
Read full review
2017-05-16
85 views
好耐無食過放題啦， 所以就openrice睇吓附近有咩放題食，見到呢間啲評價唔錯，就試試佢 位置上都幾易揾喺兆萬3樓搭𨋢上9樓就會揾到架啦 ， 會見到有大大個牌寫住八幡屋. 先講環境先啦，都幾闊落，唔會同隔離枱痴到實一實 到嗰陣人未多，所以我地兩個就有得坐四人卡位，枱面好大haha，唔怕冇位飲品同其他放題一樣，都係自助既，值得一提既係呢到有清酒呀，幾少見 而甜品亦有一個自助雪糕櫃，仲有其他甜品可以喺點餐紙揾到架，一陣再介紹. 好啦，講吓啲食物先, 為食既我地聽reception話加50蚊就可以升級有得任食生蠔同其他升級既野食，就梗係加食番夠本講左升級既野食先會另外有張點餐紙架, 諗住任食水準唔會好好，無諗過呢度既生蠔都幾鮮甜 食到我地兩個叫完又叫 叫完又叫刺身方面，upgrade左值得推介既有珍寶帶子刺身，又新鮮又肥美， 仲有珍寶赤蝦刺身大大隻，食起黎啖啖肉仲好鮮甜蒸蛋同海鮮燉湯就普普通通啦好！而家就講吓其他推介既野食啦, 講咗前菜先，我地三款沙律都叫晒, 三款都好開胃 將軍沙律即係有胡麻醬汁喺上面既沙律，仲有隻滑滑既温泉蛋撈埋一齊食充滿蛋香而蜜桃蟹子沙律就比較乾，但蜜桃就好鮮甜都
飲品同其他放題一樣，都係自助既，值得一提既係呢到有清酒呀，幾少見 而甜品亦有一個自助雪糕櫃，仲有其他甜品可以喺點餐紙揾到架，一陣再介紹.
好啦，講吓啲食物先, 為食既我地聽reception話加50蚊就可以升級有得任食生蠔同其他升級既野食，就梗係加食番夠本講左升級既野食先會另外有張點餐紙架, 諗住任食水準唔會好好，無諗過呢度既生蠔都幾鮮甜 食到我地兩個叫完又叫 叫完又叫
刺身方面，upgrade左值得推介既有珍寶帶子刺身，又新鮮又肥美， 仲有珍寶赤蝦刺身大大隻，食起黎啖啖肉仲好鮮甜蒸蛋同海鮮燉湯就普普通通啦
好！而家就講吓其他推介既野食啦, 講咗前菜先，我地三款沙律都叫晒, 三款都好開胃 將軍沙律即係有胡麻醬汁喺上面既沙律，仲有隻滑滑既温泉蛋撈埋一齊食充滿蛋香而蜜桃蟹子沙律就比較乾，但蜜桃就好鮮甜都係值得一試
刺身船黎到既時候，我地兩個都嚇一嚇又大盤，擺設又靚 呢度既刺身選擇都幾多全部都好新鮮同肥美，度仲有平時好少見既象拔蚌刺身, 鮮甜爽脆，八爪魚都唔錯推介呀
壽司方面， 最鍾意嘅就係火炙胡麻三文魚，壽司同火炙左口裙邊壽司，火炙三文魚同平時食嘅有啲唔同一放入口，就溶左喺口入面咁超鍾意而且加埋胡麻醬又有格外唔同既味道，令人想一試
而我不嬲都好鍾意左口裙邊壽司都係會有溶左喺口嘅感覺，味道當然同三文魚唔同，但我就同樣鍾意， 而且左口魚嘅裙邊部份油份豐富，魚油緩緩滲出，濃郁甘香卷物都好出色推介黑松露蟹肉脆餅 ，有塊餅仔放喺底，上面有一堆蟹肉條，仲有最重要嘅黑松露，完美點綴，帶起蟹肉既味道 黑松露味好濃郁好香另外明太子大蝦卷都係值得一試，蝦肉幾彈牙，明太子份量十足，味道好突出，帶有微辣既海鮮味
至於炸物，炸蝦天婦羅，有別於其他放題所食既，一啲都唔油膩，外皮脆，蝦肉彈牙，其他炸物都唔錯但係芝麻雞翼, 就有少少油
到燒物啦，最正就係鹽燒牛舌，黃金焗蠔同芝士大蝦金龍船薄切既牛舌十分爽口，而且唔會好淡無左牛肉味
而焗蠔上面鋪滿微微燒焦既芝士熱辣辣，蠔味又唔會比芝士蓋曬，兩者好夾，岩曬芝士控同唔食生蠔既人而焗芝士大蝦就好細心咁整走個殻，味道上冇乜特別，都係岩芝士控
到女仔至愛既甜品之前睇到有個自助雪糕櫃，入面有芝麻雪糕，雲呢拿雪糕，朱古力牛奶樂，仲有雪米糍，雪米糍有抹茶，同荔枝味，我覺得抹茶就麻麻地，但荔枝就好好味，好清甜，我地食左好多粒而點餐紙都有得點甜品架， 呢度既泡芙有原味同朱古力，我覺得味道都唔錯但係就有啲淋， 呢度嘅甜品都好精緻，特別係櫻花水玄信餅透明圓滴中間有朵花喺入面，花帶有少少甜味，幾特別，無諗過放題都會有咁精美既甜品. 另外，蘋果一口大福好好味外皮煙煙韌韌，內裡有少許流心既蘋果蓉，驚喜既係竟然食到有啲蘋果粒tim
如果下次食放題，真係要叫埋多d朋友黎
Post
