Video
Read full review
2024-03-31
416 views
介紹東大街掃街既YouTube片一定會介紹呢間，所以專程去筲箕灣試試。點咗最具人氣既焦糖燉蛋雪糕班戟，雖然一早知佢係點樣，攞到手仲係覺得：「點解呢個甜品咁靚嘅？😻」個樣已經100分，雖然只係焦糖布甸放喺班戟+雪糕上面，但個層次不得了。上面既焦糖好香脆，而佢既微苦正好中和布甸既甜。而布甸亦唔係死甜，香、滑、暖，同下面既雪糕一齊食有冰火既效果。下面雲呢嗱雪糕正常發揮，但任何甜品加一球雪糕都會加分，呢個班戟都唔例外。而抵讚既係，我本來有d擔心，個甜品又布甸又雪糕會食得好狼狽，但佢個size啱啱好，個布甸喺頂好fit，只有用佢提供既匙羹食咁部分布甸，就可以順利食晒個甜品。個班戟食過真係返唔到轉頭，又薄、又軟，同所有配料夾得天衣無縫，成個甜品口感層次非常豐富。三十幾蚊，又抵唔抵呢？香港隨便飲杯珍珠奶茶，或者食個普普通通既甜品都要呢個價錢，就算唔係最「抵」，都一定係「值」👍
點咗最具人氣既焦糖燉蛋雪糕班戟，雖然一早知佢係點樣，攞到手仲係覺得：「點解呢個甜品咁靚嘅？😻」
個樣已經100分，雖然只係焦糖布甸放喺班戟+雪糕上面，但個層次不得了。上面既焦糖好香脆，而佢既微苦正好中和布甸既甜。而布甸亦唔係死甜，香、滑、暖，同下面既雪糕一齊食有冰火既效果。下面雲呢嗱雪糕正常發揮，但任何甜品加一球雪糕都會加分，呢個班戟都唔例外。
而抵讚既係，我本來有d擔心，個甜品又布甸又雪糕會食得好狼狽，但佢個size啱啱好，個布甸喺頂好fit，只有用佢提供既匙羹食咁部分布甸，就可以順利食晒個甜品。個班戟食過真係返唔到轉頭，又薄、又軟，同所有配料夾得天衣無縫，成個甜品口感層次非常豐富。
三十幾蚊，又抵唔抵呢？香港隨便飲杯珍珠奶茶，或者食個普普通通既甜品都要呢個價錢，就算唔係最「抵」，都一定係「值」👍
Post
