勝博殿日式炸豬排

Open Now

Now Closed

今日想食日式炸豬排，所以晚飯就去咗我鍾意嘅勝博殿，諗住星期日嘅夜晚8點幾，都應該少人d，點知都等咗15分鐘先有位。一坐低，即該叫嘢食，叫咗一個二人餐，有炸海蝦兩件，炸豬排，炸豬柳卷叫咗芝士口味，最緊要朋友最鍾意嘅忌廉蟹肉餅，個餐都幾豐富。跟住就有任食嘅日式蘿蔔同青瓜送上，仲有好爽嘅生菜絲，係等緊個餐離個陣，唯有食住加咗日式麻醬嘅生菜絲先，可能好肚餓，一陣就食晒。終於等到d嘢食離，熱辣辣，好鬼香，炸蝦又大又彈牙，炸豬排有少少肥肥地，唔會好乾，好鬆化，點埋豬排醬，真係好好食。炸豬柳卷就夾咗d芝士係中間一齊炸，芝士軟綿綿，同淋淋地嘅豬柳，真係好夾。忌廉蟹餅唔駛講，絕對絕對係好好食，咬一啖，好脆口，d忌廉同蟹肉混埋一齊，又滑又香，因為佢係新鮮即炸，所以要小心好熱，要慢慢食。朋友食咗炸蝦同忌廉蟹肉餅，覺得唔夠喉，要叫多一份先滿足，再食埋白飯，味噌湯，真係勁滿足。