三英甜品屋 (Closed)

今日喺油麻地完成工作後，突然之間好像食件甜品再返屋企。好在油麻地都喺平民小食嘅天地，尤其去到廟街，食店一間接一間~行下行下就被我搵到一間甜品店，見到門口貼住嘅menu都幾啱我口味，於是索性就入去坐低。可能時間尚早，裡面空無一人。 於是我叫左件焦糖燉蛋。一端上黎就feel到有d熱，證明真喺即叫即整喔！單純賣相就已經好吸引，蛋黃色的燉蛋上有粒士多啤梨做裝飾。挖了一羹，焦糖糖衣十分香脆，燉蛋又軟又滑，又暖笠笠，可見火力啱啱好，燉蛋未至於出現凹凸表面，真正叫做外脆內軟，甜而不膩，食完一整個都唔會覺得非常滯~推薦！