石一燒 (富多來新邨一期) (Closed)

大角咀其實真係好多美食, 今次搵到間高質石燒肉😛好有驚喜！同朋友叫左極尚和牛盛會二人前（$698）。套餐包㕑三款牛肉、菇盛會、沙律、櫻花蝦味噌湯、前菜三品、飯素、甜品同$18飲品~ 未入餐廳前已見到好大個廣告叫大家做啤酒挑戰🤣參加者只要9秒（女士）（男士7秒）內飲完一杯350ml Orion啤酒就可以免費多一杯！我朋友join左但失敗hahahaha櫻花蝦味噌湯 有大量櫻花蝦,鮮味十足！沙律菜勁大碟，有海帶所以好爽口。配上胡麻醬同木魚絲好好食！前菜三品係火灸蟹柳、天婦羅小蕃薯同麻辣帶子群邊！帶子群邊其實唔算辣，好有嚼勁。天婦羅小蕃薯外脆內軟，好好味！蟹柳加左柚子醬都幾特別！之後就上石燒牛同菜類~ 包左2款日本A4和牛同1款澳洲封門柳!A4和牛油花分佈均勻，牛味唔算好重，但好嫩滑, 澳洲封門柳牛味最重，肉質較實身，一樣咁好食！菇類都好新鮮，我同朋友最後先食炒到大板燒咁haha都可按各人口味可蘸上黑椒、伯方之鹽、自家鹽同燒肉汁。個人推薦自家鹽！最後，當然唔少得甜品~甜品係雲呢拿雪糕，但附上抹茶粉同掃，可自行加水調製抹茶醬汁，加入雪糕食！全個餐都好好食！每樣食材都好細緻！