鬼金棒

Open Now

Now Closed

請同事食生日飯，佢話想食拉麵， 又知佢鍾意食銅鑼灣嘅鬼金棒， 咁一於就食呢間東京過江龍麻辣拉麵店啦。12:45pm 到場， 都坐滿9成人， 連吧枱都坐埋， 最後一張2人枱都比我地坐埋， 生意好返好多了。特製麻辣味噌拉麵， 先飲頭啖湯， 湯底麻辣味非常香濃， 唔會死辣， 隻溫泉蛋煮得剛剛好， 蛋味香， 重有蛋汁流出。义燒有3件 (+增量), 肥瘦適中， 肥膏位又香又滑， 入口即溶咁， 非常好食。增量义燒辣麻味噌拉麵， 一條义燒都霸左半隻碗， 份量超多， 义燒好軟好滑， 軟綿綿一樣， 要整到咁林， 一定花好多時間。 另外， 麵底似伊麵底， 扁身較林較軟， 同平時食開嘅拉麵唔一樣。