Via Tokyo (Closed)

原本想去The One影下小雲小吉，但商場有活動，所以轉移目標食甜品。呢間想試一段時間，銅鑼灣店經過親都好多人，今日去到尖沙咀店唔洗排隊，直入。雖然知道呢度係抹茶出名，但因為啱啱食完韓燒，叫個冰冷靜下自己在所難免。士多啤梨牛奶沙冰 $75賣相好靚，點影都靚。份量就比想像中少。超多士多啤梨醬，好濃同一時間好甜。食到中間會有牛奶醬同餅乾，增加口感。冰嘅質地就唔算幼滑，個人認為甜左啲。側邊嘅牛奶可以方便自己需要再加，但質地都幾杰身，有啲難倒出黎。白玉紅豆抹茶雪糕 $49抹茶雪糕挺身，唔易溶，而且都好細滑。味道香濃，但未至於話回甘咁誇張。白玉軟熟煙韌，唔會硬到死，紅豆就不過不失啦。不過呢個價錢呢做份量呢個質素，都算食得過。