星馬屋 (Closed)

今日來到科學園，下午時分來星馬屋嘆番個tea, 點咗京都骨飯同涼瓜班腩飯，京都骨好嫰，但味道濃左啲，酸酸甜甜咁撈飯食真係一流，但就咁食味道就略嫌濃得濟，值得一讚嘅係呢度上菜好快，正好我肚仔餓。環境都唔錯，對住噴水池，免收加一有咁嘅環境真係無得再批評。不過唔知夜晚係咪少人，好多下午茶餐都無哂，下午茶去到七點，唔洗趕頭趕命去嘆下午茶。餐桌簡潔乾淨 紙巾盒裝紙巾簡直係西餐廳feel!