Video
Read full review
2020-02-08
191 views
噚晚同5位朋友去中環，大概8pm搵餐廳食晚飯，喺openrice搵到呢間「三一餃子」喺附近。經過燈光好暗嘅利源西街，搵到呢間餐廳，坐滿人，好彩店員話有張六人枱正埋單，好快我哋就被安排入座。我哋太肚餓，除咗每人叫咗一款煎餃子+米線/烏冬外，仲叫咗好多小食。我覺得關東煮、醉炸雞翼、花枝丸、炸米卷都好好食，關東煮嘅白蘿蔔好入味好甜，醉炸雞翼都有一點酒香，好脆，好正。六款煎餃子之中，我覺得黑松露餃、粟米豬肉餃、大阪餃子燒、冰花抄手都好出色。粟米餃嘅粟米好甜，冰花抄手有點生蒜加辣油，惹味。大家好耐無出街食飯，食得好開心，叫到成枱食物，最後埋單只係每人$90，好抵食。食物質素好好，鰹魚湯米線都好好味下次再去中環，必定會再嚟。Ps 見到餐廳門外，有連儂牆「時代流轉這刻在這地 若果選中我 如何殘缺結果尚未到期 說不出放棄」
我哋太肚餓，除咗每人叫咗一款煎餃子+米線/烏冬外，仲叫咗好多小食。我覺得關東煮、醉炸雞翼、花枝丸、炸米卷都好好食，關東煮嘅白蘿蔔好入味好甜，醉炸雞翼都有一點酒香，好脆，好正。
六款煎餃子之中，我覺得黑松露餃、粟米豬肉餃、大阪餃子燒、冰花抄手都好出色。粟米餃嘅粟米好甜，冰花抄手有點生蒜加辣油，惹味。
大家好耐無出街食飯，食得好開心，叫到成枱食物，最後埋單只係每人$90，好抵食。食物質素好好，鰹魚湯米線都好好味
下次再去中環，必定會再嚟。
Ps 見到餐廳門外，有連儂牆
「時代流轉這刻在這地 若果選中我 如何殘缺結果尚未到期 說不出放棄」
Post
