冠華冰廳·阿爺燒鵝

Open Now

Now Closed

冠華冰廳.阿爺燒鵝話說作為一個新界人，好日都唔會過嚟港島區😂😂，即使會過嚟港島，最多都係去銅鑼灣同中環或者灣仔呢啲地方，筲箕灣柴灣呢啲地方真係比較少去。中學同學因為新居🏠🏠入伙，邀請我地一班同學去佢新居🏠🏠。所以就過到嚟呢邊。朋友新居🏠🏠入伙當然唔可以兩手揈揈上去啦。見佢屋企附近呢間燒味舖好多人等外賣🥡🥡。於是乎就走入去買隻下莊🦢🦢。一打開🥡🥡，隻下莊好香。鵝皮勁脆🦢🦢。而且充滿着油脂嘅香味。肉質亦都好嫩滑。啖啖肉，啱晒食肉獸🍖🍖🍖嘅我。每一啖都充滿着油脂嘅香味。雖然係油份充足但係亦都唔會話好漏。整體成班同學都覺得好好食，雖然價錢唔算平，但係一分錢一分貨，佢多人排隊叫外賣係有佢嘅理由。