喜聚坊

Open Now

Now Closed

喜聚坊真係一間我好愛食的餐廳老闆好好人，好好傾，又教我地點煮d食物，又講下區內大小事，冇悶場！花生眉豆雞腳湯好足料，我地一邊食湯料都數唔清有幾多隻雞腳，老闆話完全冇味精，好足料。一盅湯可分到6-8碗湯，好抵飲飲飲下湯老闆問我地飲唔飲凍奶茶，佢話佢地最新產品係花香奶茶，自先生係奶茶控，佢梗係會試入口係好似飲緊花茶，但又撞左奶落去，味道出奇地夾酸菜桂花魚係我近期既最愛菜式，因為天氣實在太熱，酸酸辣辣會開胃d, 用左一條好厚身既桂花魚，好新鮮，冇骨，肉好滑，配埋酸菜，好想要一碗白飯，酸菜魚可以選辣度，我地選最少辣，希望保留返魚的鮮味可能老闆聽到我話酸菜魚一定要配飯，好快就端出一碟瑤柱蛋白炒飯，炒飯平平無奇，但一食原來係心機菜，師傅將炸過既米溝埋入蛋白飯到，每食一啖都有脆脆口感，炒飯粒粒分明，好好食主菜係避風塘炒蟹，一上枱忍唔住不斷影相，因為實太太吸引人，老闆用會發光既碟上呢道菜🤣講返道菜，老闆話用人手剝蒜頭，一碟炒蟹用左成6個蒜頭，新鮮蟹炒得非常乾身，連個殼都脆卜卜，我地食完隻蟹仲打包左d蒜頭第2日炒黎食😂另外我見到有個熟客仔過黎食客飯，因為熟客冇帶媽媽出黎，佢吞咽可能有少少困難，我見老闆娘