烚時・滾動 (Under Renovation)

今日黎到太子，去打邊爐，呢排因為食得燒肉多！想食得清淡D，再加上朋友補祝我生日，佢都係比較注重健康，所以今次我地再決定食呢間有養生湯底的火鍋店！火鍋店行樓梯上一樓便到，沿途有指示牌提醒大家點樣行，火鍋店位置都闊落，除左加左唔小中國文化味道的裝飾同裝修之外，食具亦都充滿住濃濃的中國風！用金龍頭做出的火鍋鍋物好有氣派，加上充滿藝術感！未點餸菜己經見到有個色彩繽紛又帶中國風的茶具！顏色不同，各有醬油配搭材料在內！包括炸蒜粒、青檸、辣椒、青蔥、芫茜、還有蒜蓉和沙茶醬！我哋叫咗一個，鴛鴦湯底、入面有麻辣同埋芫茜皮蛋湯底！套餐方面我哋叫咗個海鮮拼盤，有青口，沙白，大蝦，仲有鮑魚大大隻！當然唔小得仲有白鱔同脆肉鯇啦！仲唔到之後仲有大生蠔！真係好正！烚時・滾動(太子)地址: 太子砵蘭街369號基隆大廈地下及一樓