群記牛肉圓豬手

Open Now

Now Closed

放假去行山，由嘉道理農場行去粉嶺。聽聞過聯和墟有間老店好好食，終於嚟到食一次。兩點幾去到要等4-5張枱。呢d下午茶時間都好多人。不過最重要就係豬手未賣晒，有得試！等咗15分鐘就坐低，三個人叫左多份淨豬手、淨牛丸同淨牛腩。淨豬手軟硬程度適中，有清清地既鹹香同埋鮮味，係好難食到既一種comfort food 既感覺。可惜都係冰鮮豬手，不過都明白嘅新鮮豬手唔賣百幾蚊都圍唔到本。淨牛丸牛丸爽口，有牛肉味，合格。淨牛腩係廣東式嘅炆牛腩，味道偏淡，牛腩嘅話我都係想濃味潮州腩多點。