慢煮工業 (Closed)

舊同學介紹呢間餐廳，約嘅時候睇到open rice 就已經覺得好吸引。體驗完覺得好過期待。呢間餐廳唔難搵，都幾方便。入到去睇一佢嘅工業風格裝修，加上燈光昏暗，環境很有格調。睇menu 時就發覺好多野都好似好好食，而且價錢唔貴，CP 價都幾高。個All the breakfast 可以揀安格斯牛扒或者龍蝦，平時無呢兩樣都要120蚊，依家都係138,真心唔貴。個88蚊嘅蜆肉蝴蝶粉聽朋友講好足量，因為睇唔到都無特別感覺，直到見到隔離枱叫左個蝴蝶粉，先覺得88蚊好抵食。勁多蜆肉，有半碟大排檔炒蜆咁多。朋友叫左個卡真香蒜蝦包，原本以為係漢堡所以無揀佢，點知係夾排包，仲好香添，好有驚喜。下次再黎試試最後叫左all day breakfast with 安格斯牛扒，除左個蜜糖多士凍凍地外，其他都好好食。特別係個牛扒，慢煮牛扒令牛扒裡面可以均勻受熱，切開見到啲無血水，啲粉紅色好靚，食落都好嫩好好食，唔會太生或太熟。炒蛋好滑，大啡菇好厚肉，薯餅熱辣辣。整體覺得呢個lunch 真係好抵食，雖然staff 話因為慢煮所以要等耐啲，但係仍然覺得出菜唔慢。下次再去試下個龍蝦，蝴蝶粉，蝦包同其他小食。