Panino Giusto (Closed)

真係諗起都好笑，上次嚟呢度係陪個朋友相睇。結果個男仔係賤男，玩完一個又一個。唔使諗喇，呢餐飯aa嘅個女仔就扮細食唔食嘢，個男仔叫咗個pasta，我自己就叫咗個panini。講下個panini啦。個panini微溫，溫度真係啱啱好，入面夾住嗰啲火腿係意大利火腿嚟。軟綿綿，咬落去好得意，而且冇廉價火腿嘅腥味。 個麵包皮都好好食，唔會好似坊間嗰啲法國麵包咁咬極都咬唔爛。本身諗住求其叫啲嘢，估唔到食到咁好食嘅panini。希望呢間餐廳長做長有，生意好啲啦！我聽講有一間分店執咗笠，真係有啲驚訝。