Video
Read full review
2008-08-11
60 views
食野我係個種寧願好食都唔洗好裝修同好好服務的人，只要好食其餘唔係太差我就接受到啦，裝修同SERVICE又唔食得~食物唔好~裝修同SERVICE幾好都無鬼用啦.....食棧就係我上面講緊個種啦~呢間食棧裝修既無金碧輝煌的擺設，亦無好貼心的SERVICE，位置又唔係大街，但係以一間街坊型的酒樓嚟講，都算ok啦~最緊要係佢d野好食，價錢又平，其實價錢同裝修一同都係成正比，要靚靚裝修的酒樓不如去鏞記啦。之前已經去過一次~因為人少所以叫野唔多~但係已經覺得D野好好食，價錢又平。前幾日有朋友係大陸落嚟香港玩，佢地話想食海鮮，但係去西貢食又夾唔到時間，所以就決定再去一次食棧。個日一行8人(6女2男)，叫咗以下食物.....原隻燒鵝 <=== 好好食，皮脆肉嫩，好食過D好多所謂專問食燒鵝的地方(尤其係個D乜記乜記~我真係唔好，貴得毫無道理。)唯一唔係咁好係個酸梅醬淡咗D，再濃少少就好啦~燒BB鴿<=== 之前個次食就幾好食，但係今次真係差得好緊要，又細隻又無肉(唔知係咪因為係BB的問題呢~)，但係佢炸得唔錯，好香口，當然大隻D多肉D更好啦。鼓汁炒硯<===唔錯，唔會淨得"鶴"無
食棧就係我上面講緊個種啦~
呢間食棧裝修既無金碧輝煌的擺設，亦無好貼心的SERVICE，位置又唔係大街，但係以一間街坊型的酒樓嚟講，都算ok啦~最緊要係佢d野好食，價錢又平，其實價錢同裝修一同都係成正比，要靚靚裝修的酒樓不如去鏞記啦。
之前已經去過一次~因為人少所以叫野唔多~但係已經覺得D野好好食，價錢又平。
前幾日有朋友係大陸落嚟香港玩，佢地話想食海鮮，但係去西貢食又夾唔到時間，所以就決定再去一次食棧。
個日一行8人(6女2男)，叫咗以下食物.....
原隻燒鵝 <=== 好好食，皮脆肉嫩，好食過D好多所謂專問食燒鵝的地方(尤其係個D乜記乜記~我真係唔好，貴得毫無道理。)唯一唔係咁好係個酸梅醬淡咗D，再濃少少就好啦~
燒BB鴿<=== 之前個次食就幾好食，但係今次真係差得好緊要，又細隻又無肉(唔知係咪因為係BB的問題呢~)，但係佢炸得唔錯，好香口，當然大隻D多肉D更好啦。
鼓汁炒硯<===唔錯，唔會淨得"鶴"無肉，鼓汁幾好味
鼓汁炒蟶子<===同上
椒鹽賴尿蝦<===我記得係HKD38.00一隻，雖然唔算大隻，但係都好多肉同有膏，椒鹽味重，好食....
蒸魚<===唔記得條魚名(叫石X)，係個海鮮檔個師父介紹，大大條魚都係買HKD98.00，蒸出嚟剛剛好熟，連我呢個唔食魚的人都忍唔住食咗好多，其他人都讚不絶口
蠔餅 <===好難食，雖然佢D蠔仔幾大隻，但係粉厚無味又唔熱，廟街都整得好食過佢。
白飯魚煎蛋 <=== 超級難食，完全唔知食緊D乜，無魚味無蛋味，好可怕食咗2啖就無食啦...
生炒排骨 <=== 雖然叫排骨但係居然一D骨都無~叫生炒肉片，但係炸得太過火好乾，個汁又唔甜唔酸，D菠蘿都好食過個主菜(我仲講笑下次不如叫生炒菠蘿仲好食)
金銀蛋莧菜<=== 我唔食莧菜，但係同枱的人都話好食。
鼓汁炒鵝腸 <===好食，不過太少，配菜多過乜，都唔知食鼓汁炒鵝腸定食鼓汁炒配菜....
8個人連汽水啤酒都係1300左右，如果同樣食物去西貢的話，無3000你都好難落樓。
至於環境係比較嘈，服務係一般(但其實尚可接受啦)，但係做街坊生意的酒樓，好難要求又靜又GOOD SERVICE啦~
我要求係好的食物~不是食環境同SERVICE啦.....
Post