越式法包 (Closed)

無意中發現依度有得食越南法包，叫咗個扎肉原味，出奇地咁好食。同埋價錢都合理，$4X。佢係即叫即整，個法國包焗完好脆，佢入邊嘅餡都唔少，而且我叫佢加多啲肝醬佢都肯，而且老闆態度友善，都會笑笑口同你講要等大概5至10分鐘。同埋沙田區好似得佢買越南法包。下次再黎會再幫襯。現場仲有兩張枱四張凳擺喺度，方便適合可以坐低食而且佢對素食者都好貼心，有素食，所以就算唔食肉嘅人都有選擇同埋佢有好幾個選擇，唔係淨係扎肉。所以大家可以一試。