Video
Read full review
2013-09-20
316 views
去左鷺鷺度食飯食左好多次，不過寫食評真係第一次。屋企人都係上海人，所以成日都周圍搵上海野黎食，講真，係香港搵正宗GE上海菜真係好難。曾經去過某一間開左好耐GE上海菜GE平價餐廳度食晏，點知連個上海粗炒都…..好無奈...上個星期日去左鷺鷺食晏，趁今日假期就的起心肝寫番篇食評先。其實真係好多上海人都會去鷺鷺食飯，香港人可能未聽過鷺鷺，可能佢冇做特別宣傳，而且openrice又唔算有太多食評拉(我都好懶寫食評XD), anyway…上星期日去鷺鷺，比平時多人，可能因為就快中秋，雖然多左人去做節，但係一d都唔會嘈。開胃菜係我ge最愛咸花生同埋第一次食ge醃捲心菜。平時開胃菜都係醃蘿蔔，第一次食lee個醃捲心菜，辣辣地都好好食呀。前菜蘿蔔絲拌海蜇 – 熱天適合食ge涼拌菜，海蜇好新鮮清爽，唔會一陣麻油味 (有d餐廳落好多麻油，唔會食唔出d海蜇新唔新鮮)醉鴨舌 – 好好食XD有酒香味，但係唔會太濃。食落唔腥，D肉好嫩軟骨又好脆，真係好好食四喜烤麩 – 咸中带甜，烤麩吸晒 D醬汁，好似海綿咁有一個個窿，好鬆軟但係又有彈性(因為炸過)，除左烤麩，仲有黑木耳，香菇，花生，金針。屋企曾經煮過LEE道菜，
其實真係好多上海人都會去鷺鷺食飯，香港人可能未聽過鷺鷺，可能佢冇做特別宣傳，而且openrice又唔算有太多食評拉(我都好懶寫食評XD), anyway…
上星期日去鷺鷺，比平時多人，可能因為就快中秋，雖然多左人去做節，但係一d都唔會嘈。開胃菜係我ge最愛咸花生同埋第一次食ge醃捲心菜。平時開胃菜都係醃蘿蔔，第一次食lee個醃捲心菜，辣辣地都好好食呀。
前菜
蘿蔔絲拌海蜇 – 熱天適合食ge涼拌菜，海蜇好新鮮清爽，唔會一陣麻油味 (有d餐廳落好多麻油，唔會食唔出d海蜇新唔新鮮)
醉鴨舌 – 好好食XD有酒香味，但係唔會太濃。食落唔腥，D肉好嫩軟骨又好脆，真係好好食
四喜烤麩 – 咸中带甜，烤麩吸晒 D醬汁，好似海綿咁有一個個窿，好鬆軟但係又有彈性(因為炸過)，除左烤麩，仲有黑木耳，香菇，花生，金針。屋企曾經煮過LEE道菜，帶番公司俾同事食，原來真係有人唔知咩係烤麩
點心
芋泥酥餅 – 好好食呀!!!! 我真係第一次食LEE個點心，係其他上海菜餐廳都冇食過。外層酥皮好酥軟，入面係滿滿ge芋泥，外脆內軟，入口即化，好香GE芋頭味仲有芝麻香添呀。真係超級好食，諗起都好想食
栥飯糕 – 好多香港人唔知GE上海點心，香港好少有餐廳賣栥飯糕架。係上海有好多伯伯係街邊即炸即賣，雖然我都會買黎食，但係好多都係炸都燶晒，咬到牙舀都軟埋，而且D油又唔知用左幾耐。我地每次黎鷺鷺都會點栥飯糕，因為雖然佢係炸GE，但係一D都唔會油，好香好脆又唔會粘牙，食完唔會牙舀都軟晒XD
鮮肉雲吞 – 最近愛上左食雲吞，叫左鮮肉雲吞，飲左一淡湯，好清甜呀! 小雲吞好可愛，皮薄餡靚，一口一粒XD
主菜
油爆蝦 – 真係超超超級好食，甜甜地，蝦殼好脆呀，蝦肉很入味，我直情連蝦殼都食埋XD
咸魚紅燒肉 – 紅燒肉一D都唔油膩。雖然怕肥，但係都忍唔住連肥肉都食埋! 我本來好怕鹹魚味，但估唔到完全冇! 可能佢已經同紅燒肉混合左，所以食唔出鹹魚味!
砂鍋大頭魚 – 魚湯好濃，濃得黎唔會鹹，係真係有魚的鮮甜!! LEE個菜最出色的係粉皮，亦係我GE最愛! 呢度D粉皮同出面食開GE唔同! 平時都係一整片一樣厚薄GE，呢度就唔同，煙韌得黎又勁有口感! 我都唔知點形容! 我忍唔住問經理呢個係咩粉皮，佢話係上海整完運黎香港! 哇!咁想喺香港食到呢個粉皮，就只可以黎鷺鷺了!?
糖水
木瓜雪耳 – D木耳好軟好滑，同出面食GE木瓜雪耳唔同，出面的雪耳多數都係爽脆，但我鍾意LEE隻燉到淋的口感! 鷺鷺ge糖水不嬲都唔會太甜，所以就算食得幾飽，都仲食得落糖水
月餅
鷺鷺有傳統鮮肉月餅賣，舊年食完真係「番尋味」! 唔問唔知，原來係每日限量即做，要早一日預約先有架! 我要左2盒，拎左其中一盒返公司同同事分享! 微波爐叮1分鐘多D，入面的肉香味已經香到成個OFFICE都聞到!! 原來大家都未食過LEE種上海月餅，不停讚勁似食緊生煎包，好香口!! 大家唔好覺得我誇張，你試過就知!! 可惜過左中秋就冇架啦~ 大家要等下年啦～
Post
