Video
Read full review
2014-06-29
2530 views
之前聽班朋友講，話北角有間食店既私房菜好好食，名叫“渣華軒餐廳"，住係北角既我竟然走漏眼，真失敗！今次同女神班friends食生日飯，一於去馬一試！呢間餐廳人氣超旺，要預早一個月前book定，先至有位㗎！渣華軒餐廳，位於北角渣華道市政大樓體育館5樓，同一般市政大樓内既食店無異！地方夠寛大，冷氣夠凍，夏天上去食，一d都唔會熱！ 我地廿几人，分兩大圍枱坐，齊齊嘆"阿拉斯加大蟹粥全包宴" 1.京淮五小味 : 有青瓜，只一丁點兒辣，好爽脆。雲耳蕃茄仔，雲耳爽口，蕃茄仔鮮甜。面根、燻魚，夠入味。海蜇，又Q又爽……等。2.古法滋補桑拿蝦 : 名字好特别，用錫紙焗，蝦上鋪上桂圓及紀子，但唔多覺有藥材味，所以名不符實！d蝦比較细隻，肉質甜而彈！3.回彊熱石火焰羊鞍 : 一鑊羊架上枱，以熱石及火焰興住，熱辣辣香噴噴，羊肉嫩滑唔羶，超惹味香囗！4.碧綠蝦子鮮菇鮑汁螺片 : 冬菇螺片炆得夠腍入味，生菜爽口。5.阿拉斯加大蟹粥 : 嘩 未見過甘大煲粥，好誇啦啦！d粥吸收左d蟹肉既精華後，特別鮮甜，超級軟綿綿呢！阿姐仲好好服務，幫我地拆蟹，不厭其煩地用剪刀，逐隻蟹蚶、蟹腳剪開，然後抽出又長又鮮美
渣華軒餐廳，位於北角渣華道市政大樓體育館5樓，同一般市政大樓内既食店無異！地方夠寛大，冷氣夠凍，夏天上去食，一d都唔會熱！ 我地廿几人，分兩大圍枱坐，齊齊嘆"阿拉斯加大蟹粥全包宴"
1.京淮五小味 : 有青瓜，只一丁點兒辣，好爽脆。雲耳蕃茄仔，雲耳爽口，蕃茄仔鮮甜。面根、燻魚，夠入味。海蜇，又Q又爽……等。
2.古法滋補桑拿蝦 : 名字好特别，用錫紙焗，蝦上鋪上桂圓及紀子，但唔多覺有藥材味，所以名不符實！d蝦比較细隻，肉質甜而彈！
3.回彊熱石火焰羊鞍 : 一鑊羊架上枱，以熱石及火焰興住，熱辣辣香噴噴，羊肉嫩滑唔羶，超惹味香囗！
4.碧綠蝦子鮮菇鮑汁螺片 : 冬菇螺片炆得夠腍入味，生菜爽口。
5.阿拉斯加大蟹粥 : 嘩 未見過甘大煲粥，好誇啦啦！d粥吸收左d蟹肉既精華後，特別鮮甜，超級軟綿綿呢！阿姐仲好好服務，幫我地拆蟹，不厭其煩地用剪刀，逐隻蟹蚶、蟹腳剪開，然後抽出又長又鮮美既蟹肉，再將蟹肉逐條放落每碗粥度分俾我地呢！人人有份，永不落空 ！
6.薑葱麻香貴妃雞 : 麻香味就唔多覺有嘞，雞肉瘦削，唔夠嫩滑喇！
7.海底椰杏汁玉肺湯 : 唔見有豬肺、海底椰囉 ，瘦肉就有唔少！奶白色既湯確實好清潤，有杏仁味。
8.翠林白雪伴孆花(富士山之回憶) : 餸名極富詩情畫意...但其實只係一碟有西籣花伴蛋白。朋友話係賽榜蟹，但食落囗就只有淡淡既炒蛋白，蛋白唔夠滑，印象中好似無榜蟹肉。
9.清蒸生猛大海斑 : 條海斑又大條，又滑溜，勁正！
10.黄金裹蒸粽(家傳菜冠軍) : 必試既冠軍菜，同出面既粽有好大分別，因為係將d粽，煎成金黃色一餅，再鋪上日本魚乾而成！熱辣辣，有微香，煎過既粽，又香囗又好食又唔會太貳！
11.脆炸越式素菜卷 : 用生菜捲上素菜卷而食，個卷炸得熱辣辣，勁鬆脆香囗，入面d素菜夠爽囗入味!
食到呢部份，突然播出賀壽歌，雖然有點兒土，但好應景好好玩好開心，侍應生為每枱送上生日壽包，壽包仲好軟熟呢！又幫手切蛋糕、分蛋糕……仲有幫我地影大合照！最搞笑係廚師都出埋黎 ，仲揸住個大蛋糕道具，與衆同樂，影合照，滿場飛！12.合時美果: 有西瓜，不過唔夠甜。有火龍果，算ok。
13.椰汁官燕大團圓湯圓: d餸菜實在好夠份量，超飽肚，真係有官燕都食唔落，唯有放棄唔食 ，下次再去，真係要補返！Post
